01 նոյեմբերի, 2024, ԱՇՈՏ ՊՈՂՈՍՅԱՆ, ԱՄՆ

Ձեր ուշադրությանն ենք ներկայացնում հատուկ հաղորդում մեր հայրենակից Հարություն Աղա-Սարգսյանի հետ: 23 տարեկանում նա հեռացավ Հայաստանից, բայց ողջ կյանքի ընթացքում՝ անկախ տարիներից ու հեռավորությունից, իր սրտում կրեց հայրենի հողի ջերմությունը։ Այսօր՝ 68 տարեկան հասակում, նա բնակվում է Ատլանտայում, որտեղ բիզնեսում հասել է մեծ հաջողությունների, սակայն երբեք իրեն թույլ չի տվել մոռանալ իր արմատները։

Հարությունն անշեղորեն նվիրված է իր ժողովրդին, իր երկրին, իր էությանն ու հոգուն։

Լինելով Ջորջիա նահանգի Հայ Դատի կոմիտեի նախագահ՝ նա իր ընտանիքի հետ միասին անսահման համառությամբ առաջ է մղում Հայաստանի շահերը քաղաքական շրջանակներում՝ սա ընկալելով որպես իր առաքելություն։

Նրա համար սա սրտի կանչ է՝ հայրենիքի հանդեպ պարտք, այն հայրենիքի, որը լքել է իր երիտասարդության հեռավոր տարիներին, սակայն որը մինչ օրս ապրում է նրա մտքերում, երազանքներում և գործերում։

Հարությունի հետ տեսագրել ենք մի հաղորդում, որը կոգևորի բոլոր նրանց, ովքեր մտահոգված են Հայաստանի ճակատագրով։ Զրույցը պարունակում է անսահման նվիրվածություն, խորը մտորումներ և սեր, որին բառերն ի զորու չեն լիովին արտահայտել, բայց որը վստահ ենք՝ կհուզի բոլոր նրանց, ովքեր կտեսնեն ու կլսեն այն։